Sólarhringur í lífi Victoriu Beckham

Tískugúrúinn Victoria Beckaham fer yfir sólarhring í lífi sínu í nýjasta hefti bandaríska Harper's Bazaar. Þar er margt sem kemur á óvart.

Victoria fer vanalega á fætur klukkan 6.30, hálftíma áður en börnin hennar vakna. Hún setur á sig andlit, fær sér piparmyntute og tvöfaldan espresso. Í morgunmat fær hún sér ávexti. Klukkan 7.50 fer hún út úr húsi með börnin en þau David skipta á milli sín að keyra þau í skólann þar sem þau eru öll í mismunandi skólum.

Síðan heldur Victoria beint í vinnuna í hönnunarfyrirtæki sínu þar sem hún er með áttatíu manns í vinnu. Hún er ávallt með tvær töskur á sér en í annarri er að finna MacBook Pro, iPad, iPad mini og iPhone. Í hádegismat fær hún sér sushi.

Klukkan fjögur fer hún og sækir strákana sína þrjá í skólann, gefur þeim að borða og keyrir þá síðan í alls kyns frístundir. Harper, nítján mánaða dóttir hennar, er að sjálfsögðu með í för.

Á kvöldin hjálpar Victoria börnunum sínum með heimanámið og ef vel liggur á henni og David fara þau út að borða saman.

Þú gætir unnið - vertu með okkur á Facebook.