Logi Bergmann grillar stjórnmálamenn

Það verða tímamót í skemmtiþættinum Spurningabombunni í kvöld þegar formenn sex stjórnmálaflokka keppast um að hrósa sigri í þættinum vinsæla.

Þáttarstjórnandinn geðþekki Logi Bergmann er ekki þekktur fyrir að taka keppendur sína vettlingatökum og verður engin breyting á í kvöld þó um ráðamenn þjóðarinnar sé að ræða.

Gestir þáttarins eru Sigmundur Davíð Gunnlaugsson, formaður Framsóknar, Árni Páll Árnason, formaður Samfylkingarinnar, Bjarni Benediktsson, formaður Sjálfstæðisflokksins, Katrín Jakobsdóttir, formaður Vinstri Grænna, Margrét Tryggvadóttir hjá Dögun og Guðmundur Steingrímsson hjá Bjartri framtíð.

Ýmislegt mun koma á óvart í kvöld og mun Sigmundur Davíð til dæmis segja sögur af vinnustaðagríni á Alþingi.

Allir pólitíkusarnir fengu sinn skerf af skotum frá Loga en reyndu þó sitt besta að skjalla hann og finna upp á skemmtilegum svörum til að næla sér í aukastig.

Dregið var í lið og eru Margrét og Guðmundur saman, Bjarni og Katrín saman í liði og Sigmundur Davíð og Árni Páll saman í liði. Síðastnefnda liðið náði afar vel saman og voru þeir félagar duglegir að gefa hvor öðrum fimmu þegar vel gekk.

Facebook-síða Spurningabombunnar.

Þú gætir unnið - vertu með okkur á Facebook.