Örn Árna og Hera í harðri samkeppni

Evróvisjónstjarnan Hera Björk er gestaleikari vikunnar hjá Spaugstofunni að þessu sinni en þátturinn er á dagskrá Stöðvar 2 í kvöld.

Spaugstofumenn langar að leita á ný mið og bera hugmyndin að slá í gegn í Suður-Ameríku undir Heru Björk en hún vann stóra söngvakeppni á þeim slóðum fyrir stuttu eins og frægt er orðið.

Hera Björk bregður sér í hlutverk blaðamanns, húsmóður og lögregluvarðstjóra. Hún leikur einnig sjálfa sig sem fer eilítið fyrir brjóstið á Erni Árnasyni sem vill einmitt líka vera í hennar hlutverki.

Ýmissa breytinga hefur gætt hjá Spaugstofumönnum síðustu vikur. Gestaleikarar þeirra hafa komið meira inn í hugmyndavinnu og handritaskrif. Ara Eldjárn langaði til dæmis að leika í búningum því það fær hann ekki að gera í uppistandinu. Hann sóttist eftir hlutverki Davíðs Oddssonar og Bubba sem Örn og Pálmi Gestsson voru ekki tilbúnir að gefa eftir. Spéfuglinn Steindi Jr. reyndi að skapa misklíð meðal leikaranna því hann langaði að ganga í flokk Spaugstofumanna.

Facebook-síða Spaugstofunnar.

Þú gætir unnið - vertu með okkur á Facebook.