Hlutu fyrstu verðlaun fyrir upplýsingahönnun

Sjófuglasafnið á eyjunni Værlandet í Noregi hlaut fyrstu verðlaun fyrir upplýsingahönnun á verðlaunaafhendingu Félags íslenskra teiknara sem fór fram í síðustu viku en Kristín Eva Ólafsdóttir og Magnús Elvar Jónsson grafískir hönnuðir hjá Gagarín sáu um grafíska hönnun sýningarinnar.

Safnið opnaði síðastliðið sumar og samanstendur það af stafrænum sýningaratriðum sem hafa það að markmiði að skapa einstaka upplifun hjá sýningargestum. Í tilkynningu frá Gagarín segir að grunnhugmynd sýningarinnar byggist á að útskýra fyrir gestum hvernig yfirvofandi umhverfisbreytingar af manna völdum ógni lífsskilyrðum sjófugla og manna á norðurhveli jarðar.

Í dag vinnur Gagarín að fleiri verkefnum á erlendri grundu og má þar nefna hreindýra- og jöklasöfn í Noregi auk Mannréttindasafns í Kanada.