Já, við erum par

Mikið hefur verið slúðrað um skíðakonuna Lindsey Vonn og golfarann Tiger Woods að undanförnu og nú hafa þau loksins gengist við því að þau séu par.

"Þetta keppnistímabil hefur verið frábært hingað til. Það frábæra sem gerðist utan vallar var að ég hitti Lindsey Vonn. Við Lindsey höfum verið vinir í einhvern tíma en síðustu mánuði höfum við orðið mjög náin og erum nú að deita. Við þökkum ykkur fyrir stuðninginn og að virða einkalíf okkar. Við viljum halda áfram að vera saman í friði eins og venjulegt fólk og halda áfram að keppa sem íþróttamenn," skrifar Tiger á Facebook-síðu sína.

"Það var líklegast ekki mikið leyndarmál en já, ég er að deita Tiger Woods," skrifaði Lindsey svo á Facebook-síðu sína.

Tiger skildi við sænsku fyrirsætuna Elin Nordegren árið 2010 eftir að hann var búinn að halda talsvert mikið framhjá henni. Saman eiga þau tvö börn, Sam, fimm ára og Charlie, fjögurra ára.

Þú gætir unnið - vertu með okkur á Facebook.