Ég er ekki fórnarlamb

Söngkonan Rihanna talar á opinskáan hátt um samband sitt við tónlistarmanninn Chris Brown í nýjasta hefti tímaritsins ELLE UK. Hann gekk í skrokk á henni árið 2009 eins og flestir muna en nú er hún byrjuð aftur með honum.

"Nýjasta lagið mitt Stay fjallar um hvernig maður hefur ástina nærri og vill að hún endist að eilífu. Maður fær ekki þá tilfinningu með öllum þannig að maður vill ekki sleppa henni þegar maður finnur hana. Ég myndi segja að samband okkar Chris væri þannig," segir Rihanna.

Rihanna notar myndaforritið Instagram til að sýna aðdáendum sínum hvernig líf hennar er í raun og veru.

"Ég set allt á Instagram, hvort sem það er þegar ég er að reykja gras, á strippklúbbi eða að hanga með besta vini mínum sem er Chris. Allir vilja vita hvað er að gerast í lífi mínu. Er hún dópisti? Nei. Er hún alkóhólisti? Nei. Er hún fórnarlamb? Nei. Ég fékk mér byssuhúðflúrið því það er tákn styrks. Ég verð aldrei fórnarlamb."

Þú gætir unnið - vertu með okkur á Facebook.