Litla systir Britney trúlofuð

Jamie Lynn, litla systir söngkonunnar Britney Spears, er búin að trúlofa sig kærasta sínum til þriggja ára, Jamie Watson.

Jamie tilkynnti gleðifregnirnar á Twitter-síðu sinni og lét mynd af sér og sínum heittelskaða fylgja með.

"Getiði hvað?????" skrifaði hún við myndina. Stuttu seinna birti hún mynd af trúlofunarhringnum.

"Hann stóð sig vel," stóð við þá mynd.

Jamie hefur einu sinni verið trúlofuð áður, barnsföður sínum Casey Aldridge. Þau eiga fjögurra ára dótturina Maddie saman en hættu saman árið 2010.

Þú gætir unnið - vertu með okkur á Facebook.