Fer yfir viðburðarík ár

Leikkonan Kate Winslet prýðir forsíðu breska Harper's Bazaar sem kemur út á næstu dögum. Í viðtali við blaðið fer hún yfir síðustu ár sem hafa vægast sagt verið viðburðarík.

Hún vann Óskarinn fyrir frammistöðu sína í The Reader árið 2009, skildi við eiginmann sinn, leikstjórann Sam Mendes, árið á eftir, átti í tygjum við karlfyrirsætuna Louis Dowler seinna sama ár og sást með nýjum manni, Ned Rocknroll sumarið 2011. Þau Ned komu síðan á óvart í desember á síðasta ári þegar þau gengu í það heilaga.

"Ég hef lært mikið um sjálfa mig, sérstaklega síðustu fjögur árin. Ég held að ég sjái heiminn skýrar nú og hvernig fyrri reynslur hafa mótað mig og karakterana sem ég hef leikið og ég er þakklát fyrir það," segir Kate. Hún segir lífsreynslurnar nýtast sér í listinni.

"Ég hef úr svo miklu meira að moða í minni vinnu núna og ég veit hvernig ég á að vinna úr því."

Þú gætir unnið - vertu með okkur á Facebook.