Ber að ofan á forsíðunni

Kvikmyndagerðarkonan Mira Nair tekur viðtal við leikkonuna Kate Hudson í nýjasta hefti tímaritsins Glamour. Athygli vekur að Kate er ber að ofan á forsíðunni og hylur brjóstin með höndunum.

Kate er trúlofuð Muse-söngvaranum Matthew Bellamy og saman eiga þau eins árs soninn Bingham. Kate á einnig soninn Ryder, níu ára, með fyrrverandi eiginmanni sínum, Chris Robinson. Kate hefur í nægu að snúast þessa dagana en segir í einlægu viðtali við Miru treysta fólk þrátt fyrir að vera opinber manneskja.

"Ég vel að treysta fólki. Ástæðan fyrir því að ég treysti fólki er að mér finnst ég ekki hafa neitt að fela. Ef einhver svíkur mig væri það ekkert svo slæmt því ég á engin leyndarmál. Ég hef átt vini sem hafa logið að mér, ég hef átt vini sem hafa farið á bak orða sinna, fólk hefur stolið frá mér – samt treysti ég," segir Kate.

Þú gætir unnið - vertu með okkur á Facebook.