Í yfirstærð og stolt af því

Make up artistinn Priscilla Ono er fáránlega flott á myndum sem birtast í tímaritinu SLiNK. Priscilla er hvað þekktust fyrir að sjá um make up fyrir stjörnur á borð við Rihanna, Amber Rose og Carmen Electra.

Myndirnar tók Vijat Mohindra og á þeim er Priscilla með neongrænt hár, varir og neglur og situr fyrir með pillum af ýmsum toga.

SLiNK er ætlað fyrir konur í yfirstærð eins og Priscillu. Þessi skemmtilega flippaði make up artisti er mjög stolt af líkama sínum.

"Ég kenni viðskiptavinum mínum að maður geti litið stórkostlega út í hvaða stærð sem er. Vinkona mín Amber Rose segir mér alltaf hve sjálfsörugg ég sé og að allir gætu lært af mér," segir Pricilla. Hún leggur mikið upp úr heilbrigðu líferni.

"Að vera heilbrigð er mjög mikilvægt fyrir mér, sérstaklega þar sem fólk heldur að fólk í yfirstærð sé ekki heilbrigt. Ég er heilbrigðari en margir af grönnu vinum mínum."

Þú gætir unnið - vertu með okkur á Facebook.