Rokkaradóttir í ögrandi auglýsingu

Fyrirsætan Georgia May Jagger leikur í sjóðandi heitri auglýsingu fyrir ilmvatnið Just Cavalli. Í auglýsingunni sést hún í ýmsum ögrandi stellingum með mótleikara sínum, brasilísku karlfyrirsætunni Marlon Teixeira.

Georgia á ekki langt að sækja fyrirsætuhæfileikana því móðir hennar er fyrrverandi ofurfyrirsætan Jerry Hall. Faðir hennar er hins vegar Rolling Stones-rokkarinn Mick Jagger.

Georgia er andlit ilmvatnsins Just Cavalli og er það mikill heiður fyrir stúlkuna.

"Roberto Cavalli er frábær hönnuður. Just Cavalli-merkið er mjög sexí og svalt," segir Georgia.

Þú gætir unnið - vertu með okkur á Facebook.