Klæðir sig fyrir kærastann

Raunveruleikadívan Kim Kardashian lét hafa eftir sér í viðtali á dögunum að kærasti hennar og verðandi barnsfaðir, rapparinn Kanye West, fengi að mestu leiti að ráða hverju hún klæddist. Heimsbyggðin tók eftir miklum mun á klæðaburði Kim eftir að hún og Kayne felldu hugi saman árið 2012.

„Minn stíll er mjög fágaður og kvenlegur, en Kanye vill að ég sé meira afslöppuð og hversdagsleg í klæðaburði. Ég klæði mig miklu frekar fyrir kærastann minn heldur en sjálfa mig", segir Kim, en Kayne er margómaður fyrir mikinn tískuáhuga.