Lífið

Bjuggu á götunni

Það er ótrúlegt að hugsa til þess að Hollywood-stjörnurnar hafi einhvern tímann baslað og varla átt fyrir mat.

Hér eru nokkrar stjörnur sem hafa lifað tímana tvenna og hafa verið heimilislausar á verstu stundum lífsins.

James Bond-hönkinn Daniel Craig svaf á bekkjum í görðum áður en hann varð frægur leikari.
Halle Berry flutti ung til Chicago til að verða leikkona. Hún varð fljótt blönk og móðir hennar vildi ekki senda henni meiri peninga. Þá voru góð ráð dýr og gisti Halle í plássi fyrir heimilislausa.
Oprah Winfrey bjó hjá ömmu sinni fyrstu sex ár lífs síns og klæddist kjólum úr kartöflupokum. Hún var kynferðislega misnotuð af tveimur fjölskyldumeðlimum og vini fjölskyldunnar og strauk að heiman þegar hún var þrettán ára.
Heimsþekkti rithöfundurinn J.K. Rowling hafði það frekar skítt áður en hún skrifaði Harry Potter-bækurnar. Hún var einstæð móðir og skrimti á bótum.
Grínarinn Jim Carrey hætti í skóla og bjó í Volkswagen-rúgbrauði með fjölskyldu sinni í Kanada þegar hann var yngri. Síðar flutti hann í tjald í garði elstu systur sinnar.
Óskarsverðlaunaleikkonan Hilary Swank flutti með móður sinni til Los Angeles þegar foreldar hennar skildu þegar hún var fimmtán ára. Mæðgurnar bjuggu í bíl áður en þær höfðu efni á íbúð.
Þú gætir unnið - vertu með okkur á Facebook.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.