Liðug fyrir allan peninginn

Pussycat Doll-pían Kimberly Wyatt bugtar sig og beygir í nýrri auglýsingaherferð fyrir japönsku húðvörurnar Yu-Be. Þessi 31 árs dansari er örugglega með þeim liðugri í bransanum og sýnir sínar bestu hliðar fyrir Yu-Be.

Ein mynd vekur sérstaklega athygli. Á henni fer Kimberly í splitt á hlið – eitthvað sem fáir geta leikið eftir. Svo virðist sem ljóshærða þokkadísin hafi ekkert fyrir þessu.

"Hvar hafiði séð myndir úr myndatökunni fyrir Yu-Be? Þetta var svöl og köld taka!" skrifaði Kimberly á Twitter-síðu sína. Hún er líka afar hrifin af vörunum.

"Þetta er mitt helsta leyndarmál til að halda húðinni við. Ég ferðast mikið og það er mikilvægt að finna vörur sem ég tími að eyða plássi í í ferðatöskunni."

Þú gætir unnið - vertu með okkur á Facebook.