Sjóðheitt kynlífsmyndband varð næstum eldi að bráð

Litlu munaði að hið víðfræga, en jafnframt dularfulla, kynlífsmyndband stórstjörnunnar Kim Kardashian yrði eldi að bráð í Los Angeles í gær.

Slúðurmiðlar vestanhafs greina frá því að eldur hafi komið upp í höfuðstöðvum Vivid Entertainment klámfyrirtækisins í gær þar sem myndbandið er geymt ásamt öðrum gersemum mannkynssögunnar.

Fyrirtækið hefur tekið það að sér að geyma kynferðisleg uppátæki stjarnanna en hjá Vivid Entertainment má meðal annars finna kynlífsmyndband Pamelu Anderson.

Svo virðist sem að Steve Hirsch, forstjóri fyrirtækisins, sé jafnframt eini starfsmaður þess, enda var hann fyrstur manna mættur á vettvang þegar eldurinn kom upp.

Hann var staddur á körfuboltaleik í Englaborginni þegar honum barst tilkynning um eldsvoðann. Hirsch hraðaði sér á skrifstofu sína og bjargaði kynlífsmyndbandi Kardashian, sem hann hefur vafalaust geymt á vísum stað.

Aðdáendur Kim Kardashian geta því andað léttar og haldið í þá von að sjá þetta blessaða myndband á einhverjum tímapunkti.