Skipuleggja leynibrúðkaupsveislu

Leikarinn Matt Damon og eiginkona hans Luciana gengu í það heilaga í ráðhúsinu á Manhattan í New York árið 2005. Nú, tæplega átta árum síðar, eru þau að skipuleggja brúðkaupsveisluna.

Veislan verður haldin í apríl en undirbúningurinn er það leynilegur að gestirnir vita ekki einu sinni hvar hún verður haldin. Eina sem gestir hafa fengið er boðskort þar sem þeir eru beðnir um að taka frá tiltekinn dag í apríl.

Parið á fjórar stúlkur saman en börnin verða víst ekki með í för í veislunni. Annað er ekki vitað um veisluna háleynilegu nema að hún verður stórfengleg að sögn kunnugra.

Þú gætir unnið - vertu með okkur á Facebook.