Lemon-partý við Kringlumýrarbraut

Safa- og samlokustaðurinn Lemon opnar í næsta mánuði við Suðurlandsbraut, og verður áherslan lögð á hollustusafa, grillaðar sælkerasamlokur, hafragrauta, salöt og skyrhristinga.

Lemon tekur hins vegar forskot á sæluna og fagnar fyrirhugaðri opnun með ýmsum uppátækjum. Til dæmis var vel völdum vinum boðið í smakk fyrr í vikunni og lét fjöldi fólks sjá sig.

Í dag var svo haldið kaffiboð við Kringlumýrabrautina, þar sem ökuþórar borgarinnar fengu að smakka samlokur, safa og kaffi. Og allt beint í bílinn.

Meira að segja lögreglan þáði smakk frá Lemon, en staðurinn opnar formlega þann 8. mars.