Ég skil ekki allt þetta hatur

Sjónvarpsmaðurinn Anderson Cooper skilur ómögulega af hverju fólki er svona illa við leikkonuna Anne Hathaway sem vann Óskarsverðlaunin á dögunum fyrir frammistöðu sína í Vesalingunum, Les Miserables.

"Ég vissi ekki að fólki væri svona illa við hana. Hún virðist vera afar yndisleg manneskja. Ég skil þetta ekki. Hún er mjög hæfileikarík og ég held að hún sé búin að ganga í gegnum margt. Fólk dæmir hana án þess að vita hvernig manneskja hún er. Það kemur mér í uppnám," segir Anderson.

Mikið hefur verið rætt um að þakkarræða Anne á Óskarnum hafi verið hræðileg en Anderson er ósammála.

"Hún fór þarna upp, náði augnsambandi og mundi nöfn fólks án þess að lesa þau. Gefið henni smá séns."

Þú gætir unnið - vertu með okkur á Facebook.