Selur heimilið með gróða

Spéfuglinn Tyler Perry er búinn að selja heimili sitt í Hollywood-hæðum á 11,5 milljónir dala, tæpan einn og hálfan milljarð króna.

Tyler keypti húsið árið 2006 fyrir 9,6 milljónir dollara, rúman 1,2 milljarð króna. Ágætis gróði það.

Húsið er ekkert slor en í því er líkamsræktarstöð, sána og næturklúbbur með diskókúlu og bar. Þá er heimilið líka búið sundlaug og vínkjallara.

Tyler er samt ekki heimilislaus eftir söluna, sem betur fer. Hann á líka heimili í Atlanta þar sem hann eyðir mestum sínum tíma til að vera nær framleiðslufyrirtæki sínu Tyler Perry Studios.

Þú gætir unnið - vertu með okkur á Facebook.