Sameinuð á ný

Það voru fagnaðarfundir í sjónum í Sydney í vikunni þegar hjónakornin Nicole Kidman og Keith Urban fengu sér sundsprett saman. Skötuhjúin hafa ekki sést mikið að undanförnu enda mikið að gera hjá þeim báðum.

Keith er einn af dómurunum í raunveruleikaþættinum American Idol og skaust til Ástralíu í smá fríi frá tökum. Nicole slapp líka af setti og nutu þau tímans saman.

Keith og Nicole hafa verið gift í sex ár og virðist neistinn enn þá loga skært. Þau hlógu mikið í sjónum, föðmuðust og kysstust eins og enginn væri morgundagurinn. Algjörar dúllur!

Þú gætir unnið - vertu með okkur á Facebook.