Anna Mjöll giftir sig á Íslandi - Í viðtali við Ísland í dag

Söngkonan Anna Mjöll Ólafsdóttir kom til landsins ásamt unnusta sínum Luca Ellis á mánudag. Þau ætla að ganga í hjónaband í Árbæjarsafnskirkju á morgun og halda saman tónleika á Rosenberg á laugardag, en það verður í fyrsta skipti sem þau munu syngja saman.

„Ég var ekki á leið í annað hjónaband næstu árin," segir Anna Mjöll meðal annars í viðtali sem birtist í Íslandi í dag í kvöld. Þau Luca kynntust fyrir tæpu ári og bónorðið bar hann upp seint á síðasta ári þegar hún var að þrífa klósettið á heimili þeirra. Hún segir í viðtalinu að hjónabandið við bílasalann Cal Worthington hafi verið mistök sem hún ætli sér að læra af.

Anna Mjöll var í viðtali við Ísland í dag, í dag.