Gleymdi nafninu eftir einnar nætur gaman

Raunveruleikastjarnan Brandi Glanville lét hafa eftir sér fyrir stuttu að leikarinn Gerard Butler væri stórkostlegur í rúminu. Gerard kannaðist í fyrstu ekkert við það að hafa sofið hjá Brandi en útskýrði svo mál sitt í viðtali við Howard Stern í síðustu viku.

"Ég vissi ekki eftirnafnið hennar. Ég vissi ekki að hún væri fræg. Og ég vissi ekki að hún ætlaði að segja öllum frá þessu," segir Gerard.

Hann segist hafa hringt í Brandi þegar hann fattaði hver hún var en hún er fyrrverandi eiginkona leikarans Eddie Cibrian.

"Ég hringdi og sagði henni að ég væri ekki ánægður með að hún væri að segja frá svona. Og að sumir hlutir ættu að vera einkamál. Svo baðst ég afsökunar á því að hafa ekki vitað hver hún var."

Þú gætir unnið - vertu með okkur á Facebook.