Myndir úr lífi Lilian prinsessu

Sænska prinsessan Lilian lést í gær, 97 ára að aldri. Hún var fædd árið 1915 í Wales og starfaði framan af sem fyrirsæta þar sem hún prýddi meðal annnars forsíðu Vogue nokkrum sinnum. Lilian var gift breska leikaranum Ivan Craig þegar hún hitti Bertil Svíaprins í fyrsta sinn árið 1943. Þau felldu hugi saman og hún skildi við Craig árið 1945. Sambandið var ekki samþykkt innan sænsku konungsfjölskyldunnar, en á þessum tíma væntanlegum arftökum krúnunnar stranglega bannað að giftast ókonungbornum einstaklingum. Parið bjó því saman ógift í 33 ár, eða þangað til Karl Gustav Svíakonungur gaf þeim leyfi til að giftast árið 1976. Bertil lést árið 1997, 84. ára að aldri með Lilian sér við hlið. Hún hélt áfram að sinna konunglegum skyldum eftir það og voru Nóbelsverðlaunin henni sérstaklega hugleikin. Lilian háði baráttu við Alzheimer sjúkdóminn frá árinu 2010.