Dansar við dularfulla ljósku

Tónlistarmaðurinn Chris Brown djammaði ærlega í Hollywood um helgina. Myndir náðust af kappanum í sveiflu með óþekktri ljósku sem mun væntanlega ekki kæta kærustu hans, Barbados-bjútíið Rihönnu.

Á einni myndinni sést Chris meira að segja rétta stúlkunni kampavínsflösku. Gestir staðarins segja að hann og fylgdarlið hans hafi síðan tekið með sér nokkrar stúlkur áður en þeir yfirgáfu klúbbinn Playhouse á tveimur bílum.

Chris er nýbúinn að tjá sig um að hann óttist að Rihanna haldi framhjá honum á meðan hún er á tónleikaferðalagi.

"Ég er bara venjulegur náungi þannig að ég vona að enginn reyni við hana. En ég get ekki verið afbrýðisami kærastinn sem hringir stanslaust í hana og spyr hana hvað hún sé að gera. Ég verð bara að treysta henni og vona að ekkert gerist," sagði Chris í útvarpsviðtali á Power 105.1.

Dragðu Tarotspil dagsins hér.