Giftu sig í laumi

Söngkonan Janet Jackson kann svo sannarlega að leyna stórviðburðum í sínu lífi fyrir almenningi. Hún er búin að vera gift milljarðamæringnum Wissam Al Mana í marga mánuði.

"Sögusagnirnar um stórfenglegt brúðkaup eru ekki sannar. Við giftum okkur á síðasta ári og athöfnin var lítil og falleg," segir Janet, sem er 46 ára. Wissam er frá Katar og er 37 ára.

"Brúðkaupsgjafirnar okkar til hvors annars voru framlög í uppáhalds góðgerðarsamtökin okkar sem vinna með börn. Við myndum meta það ef einkalíf okkar væri virt og að við fáum að njóta þessa tíma til að fagna," bætir Janet við.

Þetta er þriðja hjónaband Janet en hún var áður gift James DeBarge og Rene Elizondo.

Þú gætir unnið - vertu með okkur á Facebook.