Jack Nicholson truflaði Óskarsviðtal

Jack gamli Nicholson truflaði viðtal ABC-sjónvarpsstöðvarinnar við nýbakaða Óskarsverðlaunahafann Jennifer Lawrence, eftir að hún var valin besta leikkona í aðalhlutverki fyrir myndina Silver Linings Playbook.

Sá gamli lék á als oddi og sagði við Lawrence að hún minnti sig á gamla kærustu. Lawrence, sem virðist vera mikill aðdáandi, var að hitta þennan goðsagnakennda leikara í fyrsta sinn og vissi ekki hvaðan á sig stóð veðrið þegar hann birtist í miðri útsendingu.

Sjón er sögu ríkari og í meðfylgjandi myndbandi má sjá þetta spaugilega atvik.