Hámar í sig ís en kærastan fær ekkert

Myndband af nískri ísætu á leik í NBA-deildinni í körfubolta hefur slegið í gegn, eftir að íþróttafréttamennirnir tóku eftir honum í útsendingu.

Lið Orlando og Indiana áttust við á vellinum, en á áhorfendapöllunum áttu sér stað ískaldar erjur milli manns og konu.

Maðurinn hámar í sig ís og konan horfir girndaraugum á ísinn. Þegar hún reynir að fá smáræði af honum í skeið bregst ísætan illa við.

Konan trúir vart sínum eigin augum, en líklegt verður að teljast að erjurnar eigi sér lengri aðdraganda, ef þær eru þá ekki góðlátleg stríðni.

Í leikhléi skoðuðu gömlu NBA-kempurnar Isaiah Thomas og Chris Webber myndbrotið, og höfðu gaman af.