Alveg eins og pabbi

Heimildarmynd um líf súperstjörnunnar Beyoncé Knowles, Life Is But A Dream, var frumsýnd í vikunni. Í myndinni fá aðdáendur innsýn í líf söngkonunnar ásamt því að fá loksins að sjá dóttur hennar og rapparans Jay Z almennilega. Stúlkan, sem ber nafnið Blue Ivy, varð eins árs í janúar en foreldrunum hefur hingað til tekist að halda henni nokkuð fjarri sviðsljósinu. Eftir að myndin var frumsýnd hefur verið umtalað hversu mikið barninu svipar til föður síns. Það verður spennandi að sjá hvort hún ákveður að feta í fótspor foreldra sinna, hún ætti að minnsta kosti ekki langt að sækja hæfileikana.