Ber hana á húðina og nota í matargerð

Kristrún Ösp Barkardóttir sem skrifar meðal annars á vefsvæðið Hun.is hugsar vel um heilsuna. Hún prófaði að hætta að taka lýsi og fann þá hvað það gerir henni gott þegar hún byrjaði aftur að taka lýsið inn. Hún deilir með okkur hvaða heilsuvörur hún kýs að nota. Fróðlegt er að vita að hún notar kókosolíuna bæði í matargerð og á húðina.

Lýsi

"Ég helt að það gerði aldrei neitt sem við gætum fundið einhvern mun á en ég hef prufað að hætta að taka lýsi og fann stóran mun."

D-vítamín

"Það er allra meina bót. Við þurfum auka d-vítamín og það sem ég hef fundið hvað mestan mun eru morgnarnir. Ég er töluvert hressari ef ég tek vítamínið alltaf og verð minna þreytt auk þess sem d-vitamin getur hjálpað til við að koma í veg fyrir margskonar sjúkdóma."

Grænt te

"Grænt te er vatslosandi og eykur brennslu. Það er ótrúlega gott að fá sér bolla að kvöldi til og það er fastur liður hjá mér. Einnig kæli ég það stundum niður, set klaka og kreisti límonu út í."

Kókosolía

"Ég hafði ekki mikla trú fyrst á olíunni en prufaði hana svo sjálf. Nú ber ég hana á húðina, steiki upp úr henni og nota hana í matargerð og gjarnan í drykki sem ég geri í blandaranum."

Moroccan olía

"Heldur klassískt þar sem Moroccan olían er svo ótrúlega vinsæl en það er ástæða fyrir því. Ég set hana út í baðið og í hárið á mér. Ég lita hárið oft og það þarf því góða næringu til að vinna úr slitnum endum og þurrk í hári. Ég hef aldrei fundið neitt sem virkar jafn vel þessi ólía í hárið á mér."