Ólympíuhafi í blautbolakeppni

Sundkappinn Ryan Lochte bregður sér í rennvotan bol á kynningarmynd fyrir nýja þáttinn sinn What Would Ryan Lochte Do? sem hefst í apríl á sjónvarpsstöðinni E!

Þættirnir eru alls átta og fylgjast með lífi Ryans eftir að hann sló í gegn á Sumarólympíuleikunum í London í fyrra. Bæði er fjallað um ástarlífið í þessum athyglisverðu heimildarþáttum sem og fylgst með honum á ströngum æfingum með þjálfara sínum Gregg Troy. Þá er skyggnst inn í fataskáp Ryans en hann á 150 pör af skóm. Íslenski sjónvarpsmaðurinn Sölvi Tryggvason á ekkert í hann!

"Ég held að fólk muni skiptast í þrjá flokka eftir að hafa horft á þættina – fólk sem vill vera hann, sofa hjá honum eða vera móðir hans," stendur í fréttatilkynningu um þáttinn.

Þú gætir unnið - vertu með okkur á Facebook.