Hólmfríður valin í lið ársins

Íslenska landsliðskonan Hólmfríður Magnúsdóttir var í gær valin í lið ársins í norsku úrvalsdeildinni í fótbolta en Fríða átti mjög flott tímabil með nýliðum Avaldsnes. Þetta glæsileg viðurkenning fyrir okkar stelpu.

Hin unga Caroline Graham Hansen hjá Stabæk var kosin besti leikmaður ársins og besti markvörður tímabilsins var Stabæk-markvörðurinn Ingrid Hjelmseth en þar kom Guðbjörg Gunnarsdóttir, markvörður Avaldsnes, örugglega einnig sterklega til greina.

Hólmfríður skoraði 14 mörk í 25 leikjum á tímabilinu en Avaldsnes náði fjórða sætinu í deildinni og komst alla leið í bikarúrslitaleikinn. Stabæk-liðið vann tvöfalt á tímabilinu og er með fimm leikmenn í liði ársins.



Lið ársins í norsku kvennadeildinni (4-4-2)

Ingrid Hjelmseth (Stabæk) -

Toril Akerhaugen (Stabæk),

Marit Helene Liane Grødum (Amazon Grimstad),

Nora Berge (Arna Bjørnar),

Maren Mjelde (Arna Bjørnar/Potsdam) -

Kristine Hegland (Arna Bjørnar),

Caroline Graham Hansen (Stabæk/Tyresø),

Solveig Gulbrandsen (Vålerenga),

Cathrine Dekkerhus (Stabæk) -

Elise Thorsnes (Stabæk),

Hólmfríður Magnúsdóttir (Avaldsnes).

Leikmaður ársins

Caroline Graham Hansen, Stabæk/ Tyresø

 

Ungi leikmaður ársins

Caroline Graham Hansen, Stabæk/ Tyresø

 

Fyrirmynd ársins

Solveig Gulbrandsen, Vålerenga