Við þurfum á vernd að halda

Stjörnuparið Heidi Montag og Spencer Pratt er umdeilt með eindæmum og gerði allt vitlaust í raunveruleikaþættinum Celebrity Big Brother fyrir stuttu.

Heimildarmynd um parið var sýnd á Channel 5 í Bretlandi á mánudagskvöldið og hún sjokkeraði marga. Í henni sást vopnabúr turtildúfanna en þær halda því fram að þær þurfi vopn til að vernda sig gegn ágengum aðdáendum. Þau eru afar ánægð að byssueign er leyfð í Bandaríkjunum.

"Þetta er uppáhaldsstaðurinn minn. Þetta er eitt af því frábæra við að vera Bandaríkjamaður. Mér finnst ég ekki vera örugg í kringum óða aðdáendur og eltihrelli þarna úti en ef einhver myndi brjótast inn til okkar er þetta það eina sem gæti bjargað lífi okkar," segir Heidi um vopnabúrið.

Spencer bætti við að öll vopnin væru geymd á öruggum stað.

Þú gætir unnið - vertu með okkur á Facebook.