Afmæli hjá Party Zone

Útvarpsþátturinn gamalgróni Party Zone verður með 22 ára afmælisþátt á Rás 2 á laugardagskvöld og á Ruv.is/partyzone. Mörgum plötusnúðum og vinum þeirra verður boðið í partí í Stúdíó 12 og verður útvarpað beint frá herlegheitunum. Þeir sem koma fram í þættinum eru FKNHNDSM, Már & Nielsen, Dj Margeir (Gluteus Maximus), Viktor Birgisson ásamt Söndru Barilli og Sísý Ey. Klukkan 23 um kvöldið hefst svo afmælispartí á skemmtistaðnum Dollý þar sem fram koma Andrés Nielsen, Sísí Ey og DJ Margeir.