Óþekkjanlegur McConaughey

Leikarinn Matthew McConaughey er ekki svipur hjá sjón en hann hefur lést um rúmlega 13 kíló á síðustu vikum. Ástæða fyrir þyngdartapi McConaughey er að hann er að leika í myndinni The Dallas Buyer"s Club sem er sönn saga um mann sem smitast af eyðni á áttunda áratuginum og leitar á náðir óhefðbundinna lækninga til að lengja lífið.

McConaughey sagði í viðtali við spjallþáttakónginn Larry King að hann drykki mikið te til að grennast en að það hafi verið erfitt þar sem eiginkona hans, Camila, sé ólétt af þiðja barni þeirra hjóna og því dugleg að freista hans með girnilegum mat. „Það tekur tíma fyrir líkamann að venjast lítilli næringu en fyrir mig hefur þetta verið ákveðin hreinsun, andleg og líkamleg.“

Ekki er langt síðan McConaughey þurfti að þyngja sig fyrir hlutverk strippara í Magic Mike en þá borðaði hann fimm máltíðir á dag.