Vill vera sterkari fyrir barneignir

Leikkonan Cameron Diaz fer með eitt af aðalhlutverkunum í gamanmyndinni What to Expect When You Are Expecting þar sem hún leikur ólétta konu. Diaz telur að það þurfi sterkan kropp til að geta staðið undir álaginu sem fylgir meðgöngu.

„Ef ég ætti von á barni mundi ég vilja vera sterkari en ég er. Ef ég þyrfti að koma barni út, halda á því og sofa lítið mundi ég vilja vera í góðu formi til að takast á við það,“ sagði leikkonan.

Auk Diaz fara Jennifer Lopez, Brooklyn Decker og Elizabeth Banks með hlutverk í kvikmyndinni.