Dýrmætt samband

Leikkonan Eva Mendes var gestur í spjallþætti Ellen Degeneres fyrr í vikunni og talaði þar í fyrsta sinn um samband sitt og Ryans Gosling.

„Ég verð mjög meðvituð og óörugg þegar ég byrja að tala um þetta því ég vil vernda einkalíf mitt. Þetta er það dýrmætasta sem ég á og ég fer í vörn í hvert sinn sem ég er spurð út í þetta,“ sagði leikkonan.

Mendes og Gosling kynntust við tökur á kvikmyndinni The Place Beyond the Pines þar sem þau leika einmitt kærustupar. Þau voru fyrst mynduð saman í fríi í París í nóvember á síðasta ári.