Endasprettur á álfasölunni

Álfasalan gengur mjög vel, segir Gunnar Smári Egilsson, formaður SÁÁ. Salan hófst á mánudag og þá var gengið í hús. Á fimmtudaginn byrjuðu sölumenn svo að fara á opinbera staði til að selja.

„Þetta hefur gengið mjög vel og við reiknum með að það sé mun meiri þátttaka í ár en í fyrra," segir Gunnar Smári. Hann tekur þó fram að þessi fullyrðing sín sé byggð á tilfinningu en ekki tölulegum staðreyndum. Ekki verði hægt að sjá sölutölur fyrr en í fyrsta lagi síðar í dag þegar byrjað verður að gera upp.

Að sögn Gunnars Smára lýkur sölunni á morgun.