Hvað myndir þú gera við 640 milljónir dollara?

Potturinn heldur áfram að stækka í bandaríska Mega Millions happdrættinu. Fyrr í vikunni skreið vinningsupphæðin yfir hálfan milljarð dollara en stendur nú í 640 milljónum eða rúmlega 80 milljörðum króna.

Alls taka 40 ríki þátt í happdrættinu, þar á meðal Washington og Georgía. Dregið verður í happdrættinu í dag.

Vafalaust hafa nokkrir Bandaríkjamenn velt því fyrir sér hvernig best sé að eyða slíkri fúlgu. Eitt vinsælasta umræðuefnið á samskiptasíðunni Twitter er #IfIWonTheMegaMillions og hafa þúsundir manns lýst fyrirætlunum sínum skyldu þeir vinna fyrsta vinning.

Kjósi vinningshafinn að fá fjárhæðina greidda í heilu lagi mun hið opinbera taka 31% af upphæðina í skatta. En það ætti þó ekki að koma að sök enda yrði sá heppni mun efnaðri en væntanlegur forsetaframbjóðandi Repúblikanaflokksins, Mitt Romney, sem metinn er á 250 milljónir dollara.

Þá er körfuboltahetjan LeBron James metinn á 120 milljónir og söngkonan Lady Gata á 90 milljónir.