Sviku loforð um að frysta eignir Mubaraksfjölskyldunnar

Bresk stjórnvöld hafa svikið loforð sín um að frysta eigur Mubarak fyrrum forseta Egyptalands og fjölskyldu hans í Bretlandi.

Í umfjöllun um málið á vefsíðu BBC segir að nýlega opinber gögn sýni glöggt að ýmis bresk fyrirtæki og eignir þeirra sem voru í nánum tengslum við Mubarak hafi verið látin í friði af breskum stjórmvöldum í meir en mánuð eftir að ákveðið var að gera þessar eignir upptækar. Mubarak fjölskyldan hafði því nægan tíma til að koma þeim undan.

Ráðamenn í Egyptalandi saka bresk stjórnvöld um halda hlífiskyldi yfir Mubarak fjölskyldunni og illa fengnum auðæfum hennar.