Harry Bretaprins og súludansmeyjan í Las Vegas

Enn eru að berast fréttir úr hinni villtu veislu Harry Bretaprins á lúxushóteli í Las Vegas nýlega. Nú hefur rúmlega þrítug súludansmey stigið fram og segir að hún hafi eytt 15 til 20 mínutum með Harry í svefnherbergi hans á hótelinu.

Bæði hafi þau verið nakin og kysst hvort annað í því sem súludansmeyjan segir hafa verið ölvuð faðmlög.

Tímaritið The People birtir viðtal við súludansmeyjuna sem heitir Carrie Reichert. Hún segir meðal annars að eftir faðmlögin hafi Harry gengið nakinn að glugga herbergsins og öskrað: Las Vegas þetta eru krúnudjásnin.

Breska konungsfjölskyldan segir að þessi saga Carrie sé tómt bull frá upphafi til enda.