Dugar fyrir einni mjólkurúthlutun

Fjölskylduhjálp Íslands safnaði um 280 þúsund krónum með sölu á fatnaði í Kolaportinu um síðustu helgi. Þessi upphæð dugir þó einungis fyrir einni mjólkurúthlutun í Reykjavík og Reykjanesbæ, að sögn Ásgerðar Jónu Flosadóttur, formanns Fjölskylduhjálparinnar.

„Söfnunin gekk vel en þetta er samt eins og dropi í hafið. Þeir sem þurfa aðstoð skipta þúsundum," segir hún.

Fjölskylduhjálpin ætlar að vera með fatamarkað í Kolaportinu nú um helgina. Fatnaður er einnig seldur í húsakynnum hennar í Eskihlíð.- ibs