Phillip Cocu gerði PSV Eindhoven að hollenskum bikarmeisturum í dag aðeins 28 dögum eftir að þessi fyrrum landsliðsmaður Hollendinga tók við liðinu. PSV vann Heracles Almelo 3-0 í bikarúrslitaleiknum.
Phillip Cocu, sem er einnig aðstoðarþjálfari Bert van Marwijk hjá hollenska landsliðinu, tók við liðinu af Fred Rutten sem var rekinn í mars.
„Ég lít ekki svo á að ég hafi náð þessum árangri einn því Rutten á sinn hluta í þessum bikar," sagði Phillip Cocu eftir leikinn.
Svíinn Ola Toivonen kom PSV í 1-0 á 31. mínútu, Belginn Dries Mertens bætti við öðru marki með skalla á 56.mínútu og skömmu síðar innsiglaði Jeremain Lens sigurinn með laglegri vippu.
Þetta var níundi bikarmeistaratitil PSV Eindhoven en jafnframt sá fyrsti síðan 2005.
Phillip Cocu vann stóran titil með PSV eftir aðeins 28 daga í starfi
