Fá ekki fólk til að bera út bréf

„Ef bréfberar fást ekki til starfa er það vísbending um að launakjör séu ekki viðunandi,“ segir bæjarráð Grundarfjarðar sem mótmælir harðlega óviðunandi póstútburði í bænum. Borið hafi á að póstur hafi ekki verið borinn út og það skýrt með skorti á bréfberum. Íslandspóstur geti ekki borið því fyrir sig að fólk fáist ekki til starfa því í Grundarfirði sé fólk í atvinnuleit.

„Íslandspóstur getur ekki hagrætt í rekstri sínum með því að bjóða laun sem eru ekki samkeppnisfær og dregið með þeim hætti úr tíðni póstdreifingar,“ segir bæjarráð og krefst þess að fyrirtækið sinni póstdreifingu í samræmi við lög og reglugerð.

- gar