Forsendur stjórnvalda um Vaðlaheiðargöng óraunhæfar

Pálmi Kristinsson, verkfræðingur hefur tekið saman skýrslu um Vaðlaheiðargöng. Þar byggir hann á eigin útreikningum og athugunum á kostnaðarþáttum, tekjuþáttum og fjármögnun ríkisins auk þess sem stuðst er við fyrirliggjandi forsendum stjórnvalda.

Meginniðurstöður skýrslunnar eru að innheimta veggjalda muni ekki ná að standa undir öllum kostnaði við Vaðlaheiðargöng. Einnig býst hann við að endanlegur kostnaður við göngin verði hærri en gert er ráð fyrir.

Hann gagnrýnir stjórnmálamenn fyrir að hafa haldið fram röngum fullyrðingum um arðsemi verkefnisins.

Pálmi hefur verkfræðipróf frá Háskóla Íslands (1981) og meistaragráðu í verkefna­stjórnun, opinberri áætlanagerð og gerð fjárfestingaáætlana frá Tækniháskólanum í Kaupmanna­höfn. Hann hefur komið að ýmsum stórframkvæmdum gegnum árin, meðal annars undirbúningi fyrir Hvalfjarðargöng.

Skýrsluna í heild sinni má lesa hér á vísi.