Innlent

Pressustríðinu lokið - fréttin fjarlægð

Fréttavefurinn Pressan hefur fjarlægt frétt sína um ritstjóra DV. Á Pressunni kemur fram að fréttin hafi verið fjarlægð að ósk lögmanns DV.

Að auki biðst Pressan afsökunar á fyrirsögn fréttarinnar.

Málið snérist um frétt sem Pressan vann upp úr grein Vilhjálms H. Vilhjálmssonar, hæstaréttarlögmanns, sem birtist í Fréttablaðinu í dag.

Frétt Pressunnar um skrif Vilhjálms birtist undir fyrirsögninni: „Ritstjórar DV flæktir í meint kynferðisbrotamál."

Hægt er að nálgast grein Vilhjálms hér fyrir neðan.




Tengdar fréttir

Pressustríð: Ritstjórar DV segja fyrirsögn Pressunnar ærumeiðandi

Ritstjórar DV hafa sent frá sér yfirlýsingu vegna fréttar sem birtist á Pressunni og er sögð vera ærumeiðandi. Vísir greindi frá málinu fyrr í dag en Reynir Traustason, annar ritstjóri DV, hefur krafið fréttavefinn um afsökunarbeiðni út af frétt sem vefurinn gerir upp úr grein Vilhjálms H. Vilhjálmssonar, lögmanns, þar sem hann gagnrýnir DV harðlega, en greinin birtist hér á Vísi í morgun. Fyrirsögnin sem um ræðir er:

Fréttir DV

Á undanförnum árum hefur málssóknum vegna ærumeiðinga og brota gegn friðhelgi einkalífs fjölgað umtalsvert á Íslandi. Ástæðan fyrir þessari aukningu er tvíþætt að mati höfundar. Annars vegar er fólk meðvitaðra um rétt sinn. Hins vegar óvönduð vinnubrögð blaðamanna og ritstjóra hjá tilteknum útgefendum. Tveir útgefendur eru í algjörum sérflokki hvað varðar fjölda málssókna. Það eru Birtíngur útgáfufélag og DV. Umfjöllunin hér á eftir er takmörkuð við þann síðarnefnda.

Pressustríð: Reynir vill afsökunarbeiðni

"Lögmaður hefur haft samband við þá og búið er að fara fram á afsökunarbeiðni,“ segir Reynir Traustason, annar ritstjóri DV, en hann hefur krafið fréttavefinn Pressunni um afsökunarbeiðni út af frétt sem vefurinn gerir upp úr grein Vilhjálms H. Vilhjálmssonar, lögmanns, þar sem hann gagnrýnir DV harðlega en greinin birtist hér á Vísi.

Mest lesið


Fleiri fréttir

Sjá meira


×

Mest lesið