Ég er Tyra Banks og ég er með appelsínuhúð!

Ofurfyrirsætan og viðskiptamógúllinn Tyra Banks er með sjálfstraustið í lagi. Hún deildi myndum á Twitter og Instagram úr myndatöku sem hún fór í og skilaboðin eru skýr.

"Ég var í tökum með Mark Liddell þegar ég var unglingur. Frábært að vinna með honum aftur," skrifaði Tyra. Hún setti inn mynd af sér í þröngum gallabuxum og gallaskyrtu sem var hnýtt í hnút þannig að maginn sást greinilega.

"Sjáið djúsí múffutoppinn á bakinu á mér! Fullkomnun er leiðinleg," skrifaði Tyra við myndina en hún kann listina að sætta sig við sjálfa sig og vera með heilbrigða líkams- og sjálfsmynd.

"Þetta er ég! Ég er Tyra Banks og ég er með appelsínuhúð," sagði Tyra í viðtali við Us Weekly í maí á þessu ári.