Týnda vitnið fundið

Aðalvitnið í skotárásarmálinu svokallaða mætti í Héraðsdóm Reykjavíkur í morgun og bar vitni. Hann mætti ekki í dómsal þegar hann var boðaður til þess í gær og varð það til þess að aðalmeðferðinni var frestað.

Handtökuskipun var gefin út og svo virðist sem það hafi virkað til þess að fá manninn til þess að mæta fyrir dómstólinn. Málið snýst um þrjá menn sem skutu á bifreið í Grafarvoginum fyrir jól. Skotmennirnir eru grunaðir um að hafa ætlað að innheimta fíkniefnaskuld.

Mennirnir þrír eru allir hluti af vélhjólagenginu Outlaws en lögreglan lítur á félagsskapinn sem glæpasamtök. Vitni hafa verið misminnug í réttarhöldunum en svo virðist sem fæstir muni glöggt málavexti.