Styttist í setu í nefnd hjá Jóni

Jón Bjarnason, sem hætti sem landbúnaðar- og sjávarútvegsráðherra um áramótin, hefur enn ekki tekið sæti fyrir hönd VG í neinni nefnda Alþingis.

Árni Páll Árnason sem hætti sem efnahags- og viðskiptaráðherra á sama tíma er hins vegar sestur í utanríkismálanefnd fyrir Samfylkinguna.

„Það er að styttast í að hann taki sæti í nefndum,“ segir Björn Valur Gíslason, þingflokksformaður VG, um stöðu Jóns.

Sjálfur bendir ráðherrann fyrrverandi á að staðan sé flókin þar sem enginn þingmaður hafi tekið sæti í ríkistjórn um leið og þeir Árni hættu svo engin pláss hafi losnað þannig í þingnefndum. „Þá þurfa einhverjir aðrir að standa upp og fara úr nefndum,“ segir Jón. - gar