Undarlegt fyrirbæri sást við yfirborð Sólarinnar

Geimsjónauki NASA náði myndum af undarlegu fyrirbæri á yfirborði Sólarinnar. Fyrirbærið er hnöttótt og er margfalt stærri en Jörðin. Einhvers konar leiðsla virðist liggja frá fyrirbærinu að yfirborði stjörnunnar.

Samsæriskenningar hafa nú þegar sprottið upp. Sumir halda því fram að Helstirnið sjálft úr Stjörnustríðsmyndunum sé þarna á kreiki.

Myndbandið birtist á vefsíðunni YouTube fyrir stuttu og skoraði höfundur myndbandsins á NASA á að útskýra fyrirbærið.

Því miður - eins og oftast er tilfellið - þá er uppruni hnattarins af heldur eðlilegum uppruna.

Fyrirbærið kallast sólstrókur (e. solar filament). Það tekur strókinn einn dag að myndast og hann getur teygt anga sína hundruð þúsunda kílómetra út í geiminn.

C. Alex Young, stjarneðlisfræðingur hjá NASA, birti skilaboð við myndbandið á YouTube. „Sólstrókar líta út fyrir að vera svartir af því að þeir eru margfalt kaldari en yfirborð stjörnunnar. Þegar við horfum á myndbandið sjáum við strók sem teygir sig út frá Sólinni en í raun er þetta hnöttótt fyrirbæri.

Sólstrókar skjóta gríðarlegu magni af rafgasi út í geiminn. Rafgasið lendir síðan  á Jörðinni og úr verður stórfenglegt sjónarspil á suður- og norðurhveli Jarðar; norðurljós.

Hægt er að horfa myndbandið hér fyrir ofan.