Engum leiddist á CCP hátíð í Hörpu

Árleg Fanfest hátíð CCP náði hámarki með tónleikum HAM og GusGus í Hörpu síðasta laugardagskvöld. Eins og sjá má á myndunum og meðfylgjandi myndskeiði leiddist engum.

Frá árinu 2004 hefur CCP haldið árlega Fanfest hátíð sína í Reykjavíkurborg. Viðburðurinn hefur vaxið ár frá ári og fór fram í Hörpu í fyrsta sinn. Dagskrá hátíðarinnar var fjölbreytt og samanstóð af sýningum, fyrirlestrum og óvæntum uppákomum. Fjöldi erlendra gesta sótti hátíðina en þeir voru um 300 talsins; spilarar EVE Online, blaðamenn og starfsmenn tölvu- og afþreyingariðnaðarins.

Tónleikarnir - Party at the Top of the World Lokahóf Fanfest hátíðarinnar, Party at Top of the World tónleikarnir, fór fram á laugardagskvöldinu þar sem engu var til sparað í hljóði, ljósum og annarri umgjörð.